Këshilla/ 4 mënyra të sakta për të dalluar një gënjeshtar

Sado e trishtueshme është t’i zbulojmë ato, gënjeshtrat janë kudo. Edhe nëse mund të falim veten sepse kemi gënjyer dikë, të të gënjejnë nuk është shumë e këndshme.

Ne kemi hulumtuar 4 modele të sjelljes së nënndërgjegjeshme të gënjeshtarëve, të cilat u përcaktuan në sajë të analizës tekstuale gjuhësore dhe ne mendojmë se duhet t’i dini.

Përveç kësaj, ka një metodë bonus në fund të artikullit që funksionon në 99% të rasteve.

Gënjeshtarët e shmangin përmendjen e vetes së tyre.

Kur gënjeshtarët shtrembërojnë të vërtetën, ata priren të mos flasin për veten e tyre. Ata flasin ose shkruajnë për të tjerët, veçanërisht në personin e tretë, sikur të ishin duke vendosur distancën midis tyre dhe gënjeshtrave të tyre.

Qëndrimi në të folur i një gënjeshtari është negativ.

Gënjeshtarët zakonisht janë negativë, sepse ndihen fajtorë në mënyrë të pavetëdijshme për gënjeshtrat e tyre.

Shpjegimet e një gënjeshtari janë sa më të thjeshta që të jetë e mundur.

Gënjeshtarët normalisht shpjegojnë çdo gjë në terma të thjeshtë, sepse truri i tyre refuzon të mendojë për një gënjeshtër të komplikuar. Gjykimi ose vlerësimi janë gjëra komplekse që janë të vështira për t’u llogaritur.

Një gënjeshtar përdor formulime konfuze.

Pavarësisht nga shpjegimet e thjeshta, gënjeshtarët përdorin strukturën e komplikuar dhe të ndërlikuar të fjalisë, duke futur fjalë të tepërta dhe detaje të parëndësishme, por bindëse, që i ndihmojnë ata të fshehin mashtrimin e tyre.

Bonus: Sytë nuk gënjejnë

Nëse nuk mund të vëreni ndonjë nga sinjalet e mësipërme, por ende dyshoni nëse jeni duke u gënjyer, shikoni nga afër sytë e kundërshtarit tuaj.

Gënjeshtra na bën nervozë, gjë që rezulton në shtim të rrahjeve të zemrës dhe zgjerim të bebeve të syrit.

Super Shëndeti