LIGJET E BIZNESIT
Kërkesa e sotme e Holandës drejtuar Parlamentit Europian për të rikthyer regjimin e vizave me Shqipërinë, ka sjellë reagimin e kryetarit të Partisë Demokratike, Lulzim Basha.
Gjatë takimit të sotëm në njësinë 6 në kryeqytet, Basha ka folur për këtë çështje, duke e cilësuar atë si një turp të madh për kryeministrin Rama.
Më tej kryedemokrati tha se kjo kërkesë do të jetë një motiv i shtuar për të protestuar sa më të shumtë në numër ditën e dielë.
“Efektet duken qartë dhe Tirana lëngon me përjashtim të tre kantiereve ku ndërtohen kullat e pastrimet e parave, bizneset mbyllen dhe kostot e jetesës janë bërë të papërballueshme. Sot kemi një lajm të hidhur. Komisionit Evropian i është drejtuar kërkesa e Mbretërisë së Vendeve të Ulëta për të rivendosur vizat. Ky është turpi, ky është krimi i Edi Ramës dhe bandës së tij të babëzitur. Kjo është beteja jonë për ta çuar deri në fund. Kjo është një betejë ndryshimi për të gjithë njerëzit. Të gjithë bizneset mirëpresin platformën tonë. Një platformë solide. Biznesi i vogël nuk do të jetë më për mallkim për ta. Kërkesa e qytetarëve është se kur do ta hidhni dhe kur do ta rrëzoni. Tani nuk kam pasur mundësi që t’ju pyes më parë, por po ju pyes tani. Kur do ta rrëzoni. Kur do ta hidhni?”, tha Basha.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
