Për të gjithë ata qytetarë shqiptarë që kanë në plan të udhëtojnë drejt Bashkimit Europian gjatë muajve të verës, Ministria e Brendshme ka lëshuar një njoftim të rëndësishëm.
Përmes një mesazhi të shpërndarë për mediet, Ministria njofton shqiptarët se përpara se të hyjnë në zonën Shengen duhet të verifikojnë vlefshmërinë e pasaportave të tyre.
“Verifiko vlefshmërinë e dokumentit, para se të planifikosh një udhëtim!”, – apelon Ministria e Brendshme. Ndërsa duhet të keni parasysh se në 90 ditët e fundit të vlefshmërisë së pasaportës biometrike nuk duhet të udhëtoni në vendet e zonës Shengen.
“Mos e liri për ditët e fundit rinovimin e dokumentit të udhetimit, aplikoni më herët”, – njofton Ministria.
