Jo vetëm SHBA, dhe Ambasada Italiane paralajmëron qytetarët e vet: Kujdes nga protesta

Përveç ambasadës amerikane, dhe ajo italiane i ka bërë thirrje sot qytetarëve të saj të kenë kujdes gjatë kohës që do të zhvillohet protesta e opozitës.

Ambasada ka shpërndarë një njoftim përmes të cilës këshillon shtetasit e saj që të shmangin grumbullimet dhe turmat e njerëzve gjatë protestës së opozitës.

“E shtunë, më 25 maj 2019, duke filluar nga ora 19.00, do të ketë një protestë politike që do të përfshijë qendrën e Tiranës, në veçanti Bulevardin Dëshmorët e Kombit, pranë zyrës së Kryeministrit”, thotë ambasada Italiane në Tiranë.

Gjithashtu, Ambasada thotë se ngjarja mund të ketë pasoja në trafik dhe në rrugët kryesore të hyrjes në qytet.