Jo vetёm Shkodra dhe Elbasani, ky ёshtё qyteti qё do tё ketё shumё shpejt stadium modern

Stadiumet moderne janё duke u shtuar njёri pas tjetrit nё vendin tonё. Pas Pas Elbasanit, Shkodrёs dhe Tiranёs, do tё jetё Fieri qyteti qё do tё ketё njё stadium tё ri dhe modern.

Lajmin e ka bёrё tё ditur  kryetari i bashkisё Fier, Armando Subashi. Ky i fundit pas njё takimi me kreun e FSHF-sё, Armando Duka dhe presidentin e Apolonisё, Koço Kokёdhimёn thotё se puna pёr impiantin e ri do tё fillojё shumё shpejt.

“Me presidentin e FSHF-së biseduam dhe u dakortësuam për fillimin e punës nga projektimi, pastaj financimi e ndërtimi i stadiumit të ri të futbollit. Falënderim për presidentin Duka, që në emër të federatës mori përsipër 35% të financimit”.- tha Subashi.

Stadiumi aktual ёshtё i papёrshtatshёm pёr projektin e ri pёr t’u rikonstruktuar, siç ёshtё bёrё mё herёt nё Elbasan dhe Shkodёr dhe pritet tё shembet totalisht.