Hazard vendimtar, Çelsi fiton Ligën e Europës

Është Çelsi ekipi fitues i Europa League. Në finalen e zhvilluar në Baku ekipi i Mauricio Sarrit triumfoi në shifrat 4-1 përballë Arsenalit të Unai Emeri.

Ndeshja ishte një nga finalet më të bukura dhe me më shumë gola në historinë e këtij kompeticioni. Vendimtar edhe një herë, ndoshta për herë të fundit në këtë finale ka qën belgu, Eden Hazard, që shënoi dy golat e fundit për Çelsin.

Me humbjen në këtë finale Arsenali njëkohësisht djeg edhe mundësinë për të marrë pjesë në Ligën e Kampionëve në sezonin e ardhshëm.