Biznesmeni italiani Francisko Beketi ka fituar gjyqin me shtetin shqiptar lidhur me cenimin e të drejtave të njeriut që i është bërë nga një deklaratë e kryeministrit Rama në rrjetet sociale.
Për këtë ngjarje ka reaguar edhe ish-deputeti i LSI, Përparim Spahiu. Përmes një postimi në rrjetet sociale, Spahiu ka publikuar një video të një momenti debati në komisionin e Ekonomisë mes tij dhe zv.kryeministrit Braçe, që asokohe ishte kryetar i komisionit parlamentar.
“Ja ku jemi sot, ajo që LSI paralajmëroi përpara dy vitesh, po ndodh.”- shkruan Spahiu ndër të tjera.
Regaimi i plotë:
Shikoni reagimin ekstremisht arrogant të ish Kryetarit të Komisionit të Ekonomisë, sot zv KM.
Ja ku jemi sot, ajo që LSI paralajmëroi përpara dy vitesh, po ndodh.
Gjykata Europiane e të Drejtave të Njeriut në Strasburg ka dënuar Shqipërinë 110 milionë euro për konfliktin me biznesmenin italian.
Vetëm një fjali, ‘Bllokimi i burimit të parasë së zezë që ushqente Agon Channel, një sukses’ e shkruar nga Rama, na kushton 110 milion euro.
Mendo sa ka shkruar, thënë e bërë Ai në 6 vite.
Mjerë ne….!!!
