Një 33-vjeçar shqiptar është gjetur i pajetë brenda në automjetin e tij në Itali.
Mediat italiane bëjnë me dije se viktima quhet Alfons Kaja, 33 vjeç dhe është banues në San Severino.
Ai është gjetur i vdekur brenda në makinë tip Volkswagen Passat, përgjatë rrugës nga San Severino në Tolentino, Macerata.
Mbrëmjen e së dielës 33-vjeçari i ka thënë bashkëshortes së tij se nuk ndjehej mirë dhe po shkonte për një vzitë në urgjencën e San Severinos. Doktorët kanë bërë vizitën dhe I kanë thënë thjesht se kishte presionit e lartë të gjakut dhe i thanë të shkonte në shtëpi.
Por dita e hënë rezultoi fatale për Alfons Kajën, rrugës për në punë ai u godit nga një sulm në zemër ose ishemi celebrale dhe kjo mendohet që të jetë shkaku i humbjes së kontrollit nga ana e 33-vjeçarit që ka sjellë më pas përplasjen me makinë.
Alfons Kaja ishte i martuar me një fëmijë, ndërkohë që bashkëshortja është aktualisht shtatzanë në pritje të fëmijës së dytë.
Tashmë pritet që të bëhet autopsia që do të zbardhë shkakun e vërtetë të vdekjes së 33-vjeçarit shqiptar.
