LIGJET E BIZNESIT
Zëvendësministrja e Arsimit, Lorena Haxhiu, është bërë protagoniste e rrjeteve sociale, pasi ka ngatërruar një fjalë të urtë popullore. Gafën ajo e bëri gjatë fjalimit të saj për të rinjtë në Panairin e Punës.
“Është e rëndësishme t’ia nisni me punë sepse atë që ju do të korrni, do të mbillni edhe në të ardhmen”, tha zv/ministrja. Kjo deklaratë është shoqëruar me konfuzion dhe të qeshura nga salla, ndërsa tashmë videoja është përhapur edhe në rrjet në formën e memeve.
Kjo nuk është hera e parë që zëvendësministrja e re merr vëmendjen e rrjetit. Me marrjen e detyrës në muajin Shkurt, ish prezantuesja televizive, u bë lajm nëpër portale për shkak të fotove pikante.
