LIGJET E BIZNESIT
Dy muaj pas ekzekutimit të të riut Jurgen Kurti në Tiranë, hetuesit kanë arritur në konkluzionin se vrasja është porositur nga persona që ndodhen jashtë Shqipërisë.
Burime për Report Tv bëjnë me dije së Interpol Tirana ka dërguar dy letër porosi në Romë dhe në Athinë, për të gjetur vendndodhjen e dy shqiptarëve që kanë porositur vrasjen si dhe për t’i ndaluar ata.
Tre të arrestuarit Alesio Berberi, Elsi Levendi dhe Olsi Qalliaj, mbi të cilët rëndon akuza e vrasjes së 26 vjecarit Jurgen Kurti, ndodhen ende në burg, pasi kërkesa për tu liruar është rrëzuar dhe nga Gjykata e Apelit.
Jurgen Kurti është ekzekutuar mbrëmjen e 18 Marsit në rrugën “Ymer Kurti” në kryeqytet, vetëm pak metra larg shtëpisë së tij.
Ai gjithashtu ka qenë i akuzuar për vrasjen e babait të tij Artur Kurti, por mundi të fitonte lirinë pasi krimin e mori përsipër daja i tij, Leonard Ristani.
Por telashet me drejtësinë për Jurgen Kurtin, nuk do të përfundonin këtu, pasi ai u akuzua si pjesëmarrës në vrasjen e tregtarit Agim Arapi në Durrës, por përsëri mundi t’i shpëtojë drejtësisë, pasi për vrasjen e tregtarit u akuzua vjehrri i Kurtit, Kostandin Ekonomi së bashku me vëllain e tij Kujtim Ekonomi.
