“Dosja 339” Vangjush Dako merret në pyetje 5 orë te Krimet e Rënda

Kryetari i Bashkisë së Durrësit, Vangjush Dako është thirrur ditën e enjte në Prokurorinë e Krimeve të Rënda, ku është pyetur në lidhje me atë që quhet “Dosja 339”, me përgjimet për dyshime për shitblerjen e votës në zgjedhjet e qershorit të vitit 2017.

Kryebashkiaku i Durrësit është pyetur në cilësinë e personit që është në dijeni, ndërsa hetimet janë mjaft sekrete, e për këtë nuk bëhen të ditura detaje nga dëshmia e tij.Dako është pyetur nga dy prokurorë të enjten, nga ora 15.00 deri në orë 20.00.

Numri një i Bashkisë së Durrësit u mor në pyetje për dyshimin se ka marrë pjesë në një rrjet për shit-blerje votash në zgjedhjet e vitit 2017. Dako është marrë në pyetje nga prokurorët Vladimir Mara dhe Dritan Prençi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern