Gjatë natës në lagjen “5 Maji” në Elbasan, është djegur pjesërisht makina në pronësi të kreut të Partisë Socialiste në Elbasan Xhevahir Budani. Nga hetimet paraprake dyshohet se zjarrvënia ka qenë e qëllimshme.
Vetë Budani ka deklaruar në lidhje me këtë ngjarje së është kapur në befasi dhe se vetë ai nuk ka konflikte me njeri.
“Nuk kam konflikte që të më cojnë deri në këtë pikë.”, është shprehur kreu i PS Elbasan.
Policia po punon për identifikimin dhe kapjen e autorëve.
Xhevahir Budani aktualisht mban postin e drejtorit të Shëndetit Publik Rajonal.
