LIGJET E BIZNESIT
Gazetarja Mira Kazhani dhe ish-deputetja demokrate Grida Duma, kanë debatuar lidhur me dhunimin nga policia, të Sekretarit Organizativ të PD-së, Sahit Dollapi.
Sipas Dumës, Dollapi kishte vendosur maskë se ishte në rreshtin e parë dhe ka mbrojtur policinë, por Kazhani shprehet se ish-deputetja po gënjen.
Ndërsa Mira Kazhani tha se, Sait Dollapi provokoi dhunë në protestën e 11 majit, gazetarja dhe ish-deputetja e PD-së, Grida Duma janë përplasur në emisionin “Dritare me Rudinën”. Kazhani tha se, gjatë protestës para Kryeministrisë, Dollapi ka gjuajtur policinë me fishekzjarrë, ndërsa Duma i është kthyer duke thënë se, sekretari organizativ i PD-së thjesht po përpiqej të largonte fishekzjarrin që i ra pranë.
“Sahit Dollapi ka mbrojtur policinë. Ai ka qenë në mbrojtje të forcave policore, kurse këta shkuan dhe e dhunuan brutalisht, siç u pa në video.”, deklaroi Duma.
“Po gënjen Grida. Më vjen keq. Po më gënjen në sy dhe kjo është për të ardhur keq. Nuk e prisja nga ty. Kjo video është për të qarë, por është për të qeshur kur thua kështu. Nuk mund të gënjesh sy për sy.”, tha gazetarja.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pas kësaj, ish-deputetja Grida Duma tha se Dollapi ka marrë përgjegjësinë të jetë në rreshtin e parë. “Aty poshtë është hedhur një plasëse dhe është hedhur mbrapsht dhe arsyeja pse vendosen ato maska është sepse gazi lotsjellës është i një cilësie helmuese që nuk përdoret më në protesta. Ai është sekretari organizativ. Ai e ka hequr është identifikuar. Ai ka marrë përgjegjësinë të jetë në rreshtin e parë.”,- tha ajo./dritare.net
