Deputeti i Partisë Socialiste Pjerin Ndreu ka dorëzuar ditën e sotme mandatin si përfaqësues i popullit në Kuvend.
Në një letër drejtuar Kreut të Kuvendit Gramoz Ruçi, Ndreu shkruan se jep dorëheqjen si deputet për shkak të garës në zgjedhjet vendore të 30 qershorit.
Partia Socialiste ka zgjedhur Pjerin Ndreun për të garuar në Bashkinë e Lezhës.
“Duke qenë se mandati i deputetit, sipas nenit 69, pika 1, shkronja “d” është i papajtueshmën me mandatin e të zjgedhurit vendor, në përputhje me afatet e parashikuara në Kodin Zgjedhor, me anë të kësaj shkrese, po ju drejtohem për të deklaruar zyrtarisht heqjen dorë nga mandati i deputetit” shkruan Ndreu në letrën drejtuar kryeparlamentarit Ruçi.
Pavarësisht se opozita është shprehur e vendosur në qëndrimin e saj, se nuk do të ketë zgjedhje në 30 qershor, po kaq të vendosur duket se janë socialistët të cilët kanë nisur përgatitjet për zgjedhjet vendore, ndërsa në mbledhjen e e fundit të Kryesisë mbajtur ditën e shtunë, zyrtarizuar emrat e kandidatëve për 61 bashkitë në vend.
