Në kuadër të nismës së Ministrisë së Shëndetësisë dhe Mbrojtjes Sociale “Gjak i sigurtë për të gjithë”, e cila ka nisur si fushatë në Ditën Botërore të Talasemisë më 8 maj, kanë dhuruar gjak 26 deputetë të Kuvendit.
Deputetët i janë përgjigjur thirrjes së ministres së Ministres së Shëndetësisë dhe Mbrojtjes Sociale Ogerta Manastirliu për të dhuruar gjak për fëmijët me talasemi dhe ata që kanë nevojë.
Fushata e dhurimit vullnetar të gjakut është shtrirë në të gjitha institucionet e shtetërorë të vendit dhe deri tani mësohet sa kënë dhuruar gjak më shumë se 700 persona.
Fushata do të vazhdojë deri më datë 14 Qershor, që është Dita Ndërkombëtare e Dhurimit të Gjakut, për të ndihmuar në plotësimin e nevojave me gjak, posaçërisht për fëmijët talasemikë dhe synohet të arrihet në 2500 dhurues vullnetarë.
