Debat në studio/ Sonila Meço përplaset me Koço Kokëdhimën: Duhet t’ju kisha nxjerrë jashtë

Një debat i ashpër ka ndodhur mbrëmë në emisionin “Tempora” në tv Ora News.

Drejtuesja Sonila Meço është përplasur me kryetarin e partisë “Zgjidhja” Koço Kokëdhima, në momentin që ky i fundit lëshoi akuza të rënda për mediat duke I quajtur dinosaurë që marrin peng studio dhe paguhen me lekë në dorë.

Gazetarja e njohur duket se nuk e ka pritur mirë këtë akuzë duke i thënë Kokëdhimës dhe pas kësaj deklarate mund ta kishte nxjerrë dhe jashtë nga studio.

PJESE NGA DEBATI

Koço Kokëdhima: Ne bejme detyren tone dhe jemi duke e bere shume mire. Jemi përballë këtyre dinosaurve që kanë marrë televizionet, peng, studiot, emisionet, i kanë paguar nën dorë të gjithë.

Sonila Meço: Te gjithe?

Koço Kokëdhima: Te gjithe, keta Urijahipe, qe vjedhin popullin dhe kane akumuluar gjithe kete pushtet dhe pasuri dhe diskutojme ketu qe populli ka dyshime, per ke ka dyshime?

Sonila Meço: Per kete klase politike zoti Kokedhima,nese ju nuk jeni, thone nuk jam, por mua me lini te bej pyetjet

Koço Kokëdhima: Ndaj kesaj klase po luftojme ne, dhe jemi ne nje lufte te pabarabarte

Sonila Meço: Per kete po ju pyes une. Une mendoj se dnryshimi i sistemit duhet te vije nga menyra se si e trajtoni median, e para duke pritur cdo pyetje, sepse asnjë pyetje nuk paragjykohet, unë nuk jam këtu për të bërë fushatën e askujt. Ju lutem respektoni studiot televiziove, keni ardhur në këtë studio, keni bërë akuzë shumë të rëndë, keni futur gjithe mediat ne nje thes, më thatë jeni të blerë, unë duhej t’ju kisha nxjerrë nga studio, sepse keni bërë akuzë jashtëzakonisht të rëndë. Unë kam të drejtë si gazetare të dyshoj, ju jeni politikan duhet të mësoheni me llogaridhënien.

Kokëdhima: Unë jap llogari vetëm për gjërat që bëj unë