LIGJET E BIZNESIT
Politika dhe feja nuk kanë shumë të përbashkëta, por ka shumë raste, kur simbolikat i lidhin këto dy degë të jetës shoqërore. Kryeministri EdI Rama këtë të martë ka njoftuar mbledhjen e një grupi të tij të afërt bashkëpunëtorësh për të diskutuar për situatën e nderë politike. Deri më këto nuk ka asgjë të jashtëzakonshme, deri në momentin kur ndalesh dhe analizon disa detaje.
Në kohën kur Rama organizon këtë darkë, në rrjetet sociale ka publikuar edhe një video të restaurimit të pikturës së famshme të Leonardo Da Vinçit, e cila trajton një nga ngjarjet më të njohura biblike, si “darka e fundit e Krishtit me apostujt.
A ka lidhje mes postimit të Kryeministrit dhe darkës së njoftuar sot? Kjo mbetet për t’u zbuluar vetëm në ditët në vijim dhe do të merret vesh në vazhdim, por disa tregues bëjnë të dyshosh.
Ashtu si te “Darka e Fundit”, ku ishin 12 apostujt (ndjekësit më të besuar të Krishtit në atë kohë), edhe Rama ka zgjedhur të thërrasë njerëzit më të besuar të partisë, jo gjithë grupin parlamentar, jo gjithë funksionarët e partisë, jo ministrat.
Mes të ftuarve në darkë do të ketë edhe përfaqësues të të pakënaqurve. Ashtu si te “Darka e Fundit”, Krishti tha që njëri prej tyre do ta tradhtonte dhe Juda u vetë zbulua.
Tashmë ajo që mbetet është që të hamendësojmë dhe të aludojmë për atë që cilin Rama do të caktoj si pasuesin e tij në krye të Partisë Socialiste dhe mbase në qeveri. Të gjitha këto lidhje simbolike mbase nuk ka asnjë lidhje me njëra tjetrën, por Rama ka treguar disa herë që i pëlqen të luaj me të dykuptimtën, duke nxjerr në pah shpirtin e tij prej artisti./fastNewsAlbania
