Cila është arma e fundit e Opozitës? E tregon aleati i Bashës

Dashamir Shehi një nga aleatët më të afërt të Bashës në këto muajt e fundit, u shpreh se arma e fundit e opozitës për zgjedhje të lira dhe të ndershme është protesta. I ftuar në emisionin “Arena” në RTV Ora, kreu i LZHK-së, tha se Rama nuk duhet lejuar asnjë edhe një ditë tjetër më shumë në pushtet, pasi situata e demokracisë në vend mund të përkeqësohet.

Dashamir Shehi: Ne do ti eksplorojmë të gjitha mundësitë, por arma e fundit dhe decizive do të jetë protesta. Ne nuk hyjmë në zgjedhje me këto kushte, sepse asnjë nga kërkesat tona nuk është realizuar dhe do të marrim këtë rrugën e gjatë që kaloi.

Dritan Hila: Ju duket normale thënia e Bashës në konferencë ose na përkrahni protestën, ose na ulni kokën?

Dashamir Shehi: Më normale se kaq. Unë do kisha thënë fjalë tjetër. Ne i themi shqiptarëve që edhe nëse ju pëlqen Rama mund ta durojmë. Shqipëria ka duruar edhe Enver Hoxhën 45 vjet. Ne nuk duam që shqiptarët të përsërisin të njëjtën situatë. Se kush na qeveris ne është kaq evidente. Çdo ditë që rri më shumë ai merr më shumë nga shteti, nga xhepat e shqiptarëve. Nëse e lëm të vazhdojë, ajo që do jetojmë dy vjet më vonë nuk do të ketë më shanse për liri dhe demokraci.