Çahet kordoni, protestuesit mësyjnë kryeministrinë

Protesta e Opozitës në këto momente përballë kryeministrisë duket se ka dalë jashtë kontrollit. Është çarë kordoni i policisë që mban të rrethuar kryeministrinë dhe një pjesë e protestuesve janë ngjitur në ballkonin e godinës.

Sakaq janë hedhur dhe bomba molotov dhe ka pasur disa vatra zjarri në hyrjen e kryeministrisë.

Sakaq raportohet se policia ka filluar të hedhë gaz lotsjellës, por ai sërish nuk është masiv, sicc ka ndodhur herët e tjera.