Në një video të publikuar në rrjetet sociale, kandidati i Aleancës Demokristianë për kryetar bashkie në Lezhë, Eduart Ndocaj ose siç njihet ndryshe kaubojsi, ka ironizuar propagandën e ministrave të Ramës në lidhje me sigurinë ushqimore.
Ndoçaj ka zgjedhur të ironizojë ministrin Blendi Çuçi i çili para pak ditësh kur u pyet në lidhje me sigurinë ushqimore në Shqipëri deklaroi se produktet shqiptare janë të sigurta për konsum.
Çuçi teksa ishte duke ngrënë domate, ndër të tjera tha: “Kemi struktura që kontrollojnë. Është i njëjti produkt që hanë shqiptarët dhe ato të jashtëm. Një përrallë që domatja rritet brenda ditës. Shkoni shihni që është e njëjta pikë grumbullimi për atë që e çon ushqimin në Suedi dhe që konsumohet në Shqipëri. Nuk e mohoj që ka raste të shkëputura me % më të lartë të pestiçideve nga sa është norma. Nuk duhet të krijohet perceptimi dhe përshtypja që çdo gjë është helm dhe është e pakontrolluar”.
Mirëpo kaubojsi Ndocaj ka zgjedhur të tallet me Blendi Çuçin, duke ja vënë në dukje dhe faktin që ai tashmë është i martuar me ish-gruan e kryeministrit Edi Rama.
‘’Ju e dini që ushqimet janë me hormone, dhe Çuçi, nuk e di a e njihni ju. Që ta dini ju Çuçi është burri i gruas së Edi Ramës. Burri i gruas së kryeministrit, a ish-gruas. Çuçi thotë që këto nuk janë me hormone, dhe meqë ai i ka provuar dhe s’ka vdek, ka kalu java dhe s’ka vdek. po i provoj dhe unë. Bio njëherë nuk është, se ato bio i njoh. Nuk bëhet luleshtrydhja sa një domate”, thotë Çuçi.
