LIGJET E BIZNESIT
Zv/kryeministri Erion Braçe gjatë përballjes ka thënë se Presidenti i Republikës nuk ka asnjë mundësi apo hapësirë ligjore për të ndryshuar datën e zgjedhjeve. Në një intervistë në Abc news, numri dy i qeverisë është shprehur se qëndrimi i Metës është antikushtetues dhe nuk do të përbënte probleme edhe nëse Meta do të jepte dorëheqjen.
Mirela Milori: Situata politike që po kalon vendi e tremb sipërmarrjen e huaj, dua të flasim pak për këtë situatë të krijuar që nga shkurti, si i shihni qëndrimet e ish opozitës?
Erion Brace: Qëndrimi është antikushtetues, presidenti nuk ka asnjë hapësirë ligjore për të ndryshuar datën e zgjedhjeve. Zgjedhjet do të mbahen në 30 qershor dhe nuk ka asnjë që ta ndryshojë këtë.
Mirela Milori: Nëse dorëhiqet presidenti?
Erion Brace: Atëherë do të zgjidhet i ri.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Mirela Milori: Shkohet në zgjedhje pa opozitën?
Erion Brace: Kjo nuk është zgjedhja ime, është precedent i rëndë për demokracinë që synon ti heqë të drejtat kushtetuese të shqiptarëve por nga presidenti kam mësuar se kushtetuta është mbi çdo gjë. Nuk ka situatë tjetër. Për sa kohë që presidenti i referohet kushtetutës atëherë duhet të zbatojmë kushtetutën, presidenti gjithashtu.
