Berisha komenton letrat e Ramës për Bashën: Ai aty i shpall luftë opozitarëve…

Ish-kryeministri Sali Berisha ka komentuar letrat e hapura të kreut të qeverisë Rama në drejtim të liderit të Opozitës, Lulzim Basha. I ftuar në emisionin “Opinion”, Berisha i ka cilësuar të dyja letrat e Ramës si false dhe jo të vërteta, por i një luftë të hapur ndaj të gjithë njerëzve opozitar në këtë vend.

“Së pari duhet të kemi parasysh se duke lexuar dy letrat e tij, ju gjeni se ai është i vetmi shqiptar sot mbi tokë në Shqipëri dhe në planet që nuk ndien asnjë përgjegjësi për krizën e krijuar. Që gjithçka e projekton e nxjerr tek kundërshtari, e para kjo njëherë… Asnjë njeri nuk mendon se ai nuk ka përgjegjësi. Unë kam besim se çdo njeri normal e ka të qartë se çfarë do të thotë futja e bandave në zgjedhje. Të shkruash letër duke nxjerrë të gjithë vrerin tek Kundërshtari, të ftosh me vrer kësaj i thonë të ftoj duke vjellë vrer ndaj kundërshtarit. Ai aty i shpall luftë opozitarëve, ai kthehet në instinktin e hakmarrjes atërore. Nuk mundët kurrë një kryetar qeverie të thotë se është ogur i mirë shkatërrimi i këtij grupi. Ai ka këtë koncept për opozitën. Imagjinoni shqiptarë se çfarë keni kryeministër, keni një bastard të etërve të tij mizorë që e mbajtën vendin. Çdo opozitar duhet ta ketë të qartë se kë ka përballë./ Opinion.al