Në intervistën që është duke dhënë për emisionin “Opinion”, ish-kryeministri Sali Berisha thotë se opozita e do marrëveshjen, por sipas tij nuk ka dialog me Ramën kryeministër. Nëse nuk realizohet një marrëveshje ai tha se vendi do shkojë në përplasje dhe sipas tij ky është një rrezik i madh që i kanoset vendit.
“Nuk përjashtohet mundësia për përplasje. Unë do them të vërtetën që është shumë e mundshme, sepse çfarë kemi deri tani një qëndrim armiqësor, refraktar total ndaj një problemi madhor që ka opozita. Ai u gëzua kur doli opozita, ai festoi. Ky rrezik madhor duhet të zhduket, duhet të largohet. Ky është i rrezikshëm”, theksoi Berisha.
Më tej Berisha është rikthyer të flasë edhe një herë për 21 janarin e vitit 2011. Berisha tha se garda ka bërë detyrën sicc do e bënte në ccdo vend të botës dhe se askush nuk do mund të futej në zyrën e tij.
“Ai erdhi me letër në xhep të mbante fjalim në zyrën time, asnjë njeri nuk futej dot në zyrën time. Garda e përdor armën në të gjithë botën. Ka një ligj, që ia kanë bërë socialistët. Jo unë! Nuk kishte asnjë urdhër për Gardën. Garda ka ligjin. Ai mori një paralajmërim sepse tha se do t’i djegësh së nesërmen. Rama donte të vinte dhe të merrte pushtetin. Ai kishte organizuar një grusht shteti.”- tha Berisha.
