LIGJET E BIZNESIT
Kryetari i Partisë Demokratike ka vijuar me takimet e planifikuar në axhendën e vizitës së tij në Britaninë e Madhe. Basha ka njoftuar përmes rrjeteve sociale se është takuar me Kryetarin e Komisionit për Punët e Jashtme në Parlamentin Britanik Tom Tugendhat.
Në postimin e tij në facebook, kreu i PD shkruan se ka biseduar me politikanin anglez për situatën politikë në Shqipëri dhe angazhimin që ka marrë, partia që ai drejton.
Sipas Bashës, ai ka theksuar në takimin me Tom Tugendhat rolin e rëndësishëm të Britanisë së Madhe në mbrojtje të demokracisë dhe shtetit të së drejtës.
Postimi i Bashës:
Në vizitën në Parlamentin Britanik u takova me Kryetarin e Komisionit për Punët e Jashtme në Parlamentin Britanik Tom Tugendhat të cilit i konfirmova angazhimin e Partisë Demokratike dhe të gjithë opozitës së bashkuar për një zgjidhje politike të krizës, që do të garantojë zgjedhje te lira dhe të ndershme, duke ndarë politikën nga krimi, duke i zgjidhur duart drejtësisë që të vërë para ligjit politikanët e përfshirë në shitblerje votash me krimin e organizuar si dhe afera të tmerrshme korruptive. Angazhimi ynë është për një reformë të thellë politike për fuqizimin e rolit të qytetarit sipas praktikave më të mira të vendeve demokratike perëndimore. Në takim gjithashtu theksova edhe rolin e rëndësishëm të Britanisë së Madhe, në bashkëpunim me partnerët e tjerë strategjikë, Shtetet e Bashkuara të Amerikës dhe Bashkimin Europian, në mbrojtje të demokracisë dhe shtetit të së drejtës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
