LIGJET E BIZNESIT
Kryetari i Partisë Demokratike, nga qyteti i Beratit, ku ishte për një takim me anëtarë dhe simpatizantë të Opozitës ka treguar se ç farë do të ndodh tani pas vizitës së tij në disa kancelari të Europës. Për Bashën e vetmja alternativa tashmë është që ta bëjmë Shqipëri si Europa.
Lideri demokrat tha se nuk do të ketë zgjedhje më 30 qershor, pasi do të përbënin një minim të rendit kushtetues në vend.
Sipas kreut të Partisë Demokratike nuk cenohet kushtetuta aspak nëse shtyhen zgjedhjet, pasi kjo ka ndodhur edhe më herët.
“Nuk do të ketë zgjedhje më 30 qershori, me krimin, me hajdutët. Pas vizitës sime në perëndim, do ta bëjmë Shqipërinë si gjithë Europa. Asnjë hap pas drejt diktaturës së krimit. Do shkojmë deri në fund të betejës sonë, për Shqipërinë si gjithë Europa. Në këtë betejë jemi bashkuar si kurrë më parë. Balli i betejës, i takon opozitës, demokratëve, por kurrë më parë nuk kam parë kaq shumë. Grusht i shtetit më 30 qershor, grusht i shtetit do të ndalet me çdo kusht. Do të mbrojmë lirinë dhe demokracinë. Çeta e tyre e shpartalluar ka humbur qetësinë dhe e ka mbërthyer paniku. 30 qershori nuk mund të jetë ditë zgjedhjesh. Tentativë për grusht shtetit. Dy herë i shtyu zgjedhjet në 2007, ky që tani thotë nuk më lejon Kushtetuta”, tha Basha.
