Basha: Rama në panik, ky është plani i tij

Kryetari i PD-së, Lulzim Basha duke folur para gazetarëve këtë pasdite ka folur edhe për procesin e ardhshëm zgjedhor. Sipas Bashës zgjedhje me 30 qershor nuk do të ketë.

“Rama sot në panik total foli me tone të ulura, plani i tij është i qartë, të godasë dhe frikësojë përballjen qytetare dhe për këtë i duhet të shkurajojë opozitën.”- tha Basha.

Më tej lideri i Opozitës u shpreh se beteja ku ka hyre gjithë fronti opozitar nuk është për karrige dhe pushtet, por të larguar të keqen që ka kapluar vendin.

“Rama propozon ta cojë të keqen më thellë, të diktojë një tjetër proces zgjedhor që kryetarët e bashkive të jenë produkt i bashkëpunimit të Ramës me kriminelët dhe oligarkët. Rama sot në panik total foli me tone të ulura, plani i tij është i qartë, të godasë dhe frikësojë përballjen qytetare dhe për këtë i duhet të shkurajojë opozitën. Në vend që në burg të ishte Gjiknuri, u arrestua Klevis Balliu se doli në krah të qytetarëve. Kjo është arsyeja e rrahjes barbare të Dollapit. Beteja jonë nuk është sfidë personale. Me sfidë personale e kam mundur me votë në 2011-ën. Beteja jonë është për normalitet politik.  Pushtet me dhunë nuk mban dot”.- u shpreh Lulzim Basha