Një ditë pas protestës së Opozitës që marshoi në Tiranë, kryedemokrati Basha ka publikuar një spot. Një video ku shfaqen pjesët më të mira të protestës, Basha falënderon të gjithë ata që rezistuan dje edhe pse në kushte shumë të vështira atmosferike.
Për Bashën pas protestës së të hënës, askush nuk do ta marrë peng të ardhmen europiane të shqiptarëve.
“13 Maji ishte një ditë e jashtëzakonshme e bashkimit të qytetarëve për Shqipërinë si gjithë Europa. Falenderoj nga zemra gjithë qytetarët që pavarësisht lodhjes, dhunimit, presionit, goditjes me gaz të pak orëve më parë, ata u derdhën në bulevardet e Tiranës si asnjëherë më parë në marshimin historik të shpresës.
Asgjë nuk do na pengojë në rrugën tonë drejt Europës! Askush nuk do ta marrë peng të ardhmen tonë Europiane! Asnjë hap pas!”- thotë Basha.
