Kryetari i Partisë Demokratike, Lulzim Basha ishte sot në një takim në kryeqytet në zonën e Kinostudios, ku ka folur para mbështetëse të Opozitës vetëm dy ditë para protestës së madhe të 2 qershorit.
Para simpatizantëve demokrat, Basha u shpreh se qeveria dhe Rama e ka mbushur kupën dhe tashmë ka ardhur koha që ta largojmë. Pyetjes se kur do largohet Rama, Basha tha se duhet ta japin përgjigjen vetë qytetarët ditën e dielë, pasi protestat dhe rezistenca janë e vetmja përgjigje ndaj kësaj qeverie.
“Kur do ta hidhni, kur do ta rrëzoni? Sot është rasti këtu në Tiranë, të flas fare hapur e sinqerisht me këdo që e bën këtë pyetje, sepse I ka ardhur aty ku smban më. Pyetja nuk I drejtohet vetëm Partisë Demokratike dhe vetëm Lulzim bashës as edhe vetëm opozitës. Rrëzimi I të keqes është detyrë kombëtare, ndaj përgjigjen po e jap unë, në emër të gjithë atyre që keni pyetur të dashur bashkëqytetarë se kur do ta rrëzojmë: Ejani të dielën në orën 19 në protestën tonë, bashkohuni me lëvizjen tonë, bëhuni pjesë e çlirimit të Tiranës, e çlirimit të Shqipërisë, nga kjo bandë hajdutësh dhe kriminelësh. Protestat dhe bashkimi popullor janë rruga e vetme e rezistencës, e përballjes, e largimit të të keqes, e rrëzimit të bandës kriminale në pushtet.”- tha Basha.
