Kryetari i Partisë Demokratike, Lulzim Basha këtë të enjte ka qenë në qytetin e Kurbinit në një takim me mbështetës dhe simpatizantë të Opozitës. Duke folur para qytetarëve kurbinas, Basha ka cekur edhe çështjen më të nxehtë të dy ditëve të fundit, atë të rrugës, Milot-Balldren.
Para qytetarëve të Kurbinit, Basha u betua për Kishën e Laçit se do e anulonte atë koncesion dhe se për Ramë, Gjiknurin dhe Ballukun do të ketë brug për këtë aferë të pastër korruptive.
“Tani dua ti them ANK-së dhe atyre që fshihen pas ANK-së, çdo banke shqiptare: mos guxo një lopatë të vetme dheu, sepse dheu do e mbulojë turpin e kësaj afere korruptive. Kjo kontratë do të varroset. Edi Rama, Belinda Balluku, Damian Gjiknuri, do të shkojnë para drejtësisë. Betohem para Kishës së Laçit ju presin hekurat. Hajdutëri nuk do të lejojmë. ANK e KNA thirrin mendjen do t’ju konfiskojmë çdo qindarkë. Do t’ju trajtojmë si bandë të organizuar se nuk i leni gjë krimit të organizuar. Harrojeni ju se do ti lëmë njerëzit pa shkollë. Qindarkë për qindarkë do t’jua marrim dhe do kalbeni në burg. Ndaj tërhiquni oligarkë ju të babëzitur. Nuk e mbani dot gjallë kufomën e tij. Fundi i Tiranisë ka ardhur”, – tha kreu i PD-së.
