Lideri i Partisë Demokratike, Lulzim Basha duke folur para simpatizantëve në qytetin e Vorës ka bërë edhe një paralajmërim për kryeministrin Rama.
Sipas kreut të Opozitës Rama nuk do të lejohet që të asgjësojë demokracinë dhe të mbajë vendin peng për hir të Oligarkëve.
Për Bashën vetë prania e madhe e qytetarëve në këtë takim tregon se Ramës i ka ardhur fundi dhe këtë gjë do e vulosë data 25 maj.
“Rama përpiqet të agjësojë demokracinë me zgjedhjet e 30 qershorit. Rama tani bëhet gati që për hir të paktit të tij me krimin të asgjësojë demokracinë. Me një mesazh po i them se nuk do lejojmë më zgjedhje me krimin dhe me hajdutët, do ketë vetëm zgjedhje të lira dhe të ndershme pa Ramën kryeministër. Por ne nuk do të lejojmë më zgjedhje me krimin. Do të garantojmë zgjedhje të parakohshme që deputetët dhe kryebashkiakët të mos jenë peng të oligarkëve. Kjo është beteja jonë dhe shqiptarët janë bashkuar. Do të derdhemi në 25 Maj me shpresën dhe besimin tek e nesërmja. Trafikantët dhe kriminelët nuk ndëshkohen por mbrohen. Më lejoni ta nis për pritjen e jashtëzakonshme me një falenderim. Dje shpresa vërshoi në Durrës, para dy ditë në Berat qytetarët e mbushur me shpresë u vendosën në krahun tonë. Sot nga ky shesh. Takimin e sotëm e kishim planifikuar në një shesh, por nuk ka sallë që ju merr juve”, – u shpreh Basha.
