Lulzim Basha, nga Durrësi tha se ishte i shtangur nga pritja që i kanë rezervuar demokratët.
Lideri i Opozitës u shpreh se me këtë pritje që i është bërë në Durrës, dëshmohet edhe një herë tjetër se ka mbërritur ora e ndryshimit.
Për Bashën nuk do të ketë dhe nuk mundet të ketë asnjë hap pas në këtë sipërmarrje që PD ka nisur.
“Dje nuk u përmbajta dot nga emocionet që më shkaktoi pritja në Berat. Sot jam i shtangur dhe i pafjalë nga ky uragan. Ky uragan që nisi në Maminas me pritjen madhështore. Ja tek jemi sot, nga zërat tuaj, nga kraharorët e durrsakëve të lirë po troket ora e ndryshimit. Vëllezër dhe motra, ditë për ditë sytë e shqiptarëve janë drejt pasditeve ku ne bashkohemi në numra të paparë dhe të padëgjuar, në një përbetim për të mos hedhur asnjë hap pas në betejën tonë kombëtare me kauzën tonë për Shqipërinë si e gjithë Europa.”- u shpreh Basha.
