LIGJET E BIZNESIT
Është rikthyer sërish në Spitalin e Traumës kryetari i Partisë Demokratike, Lulzim Basha për të vizituar koordinatorin organizativ të PD-së, Sahit Dollapi. Ai ndodhet i shtruar në spital që prej mesnatës së djeshme, pas dhunës që pësoi nga policia në përplasjen përpara Parlamentit.
Nga informacionet që jep stafi mjekësor, por që ka bërë të ditur edhe Avokatja e Popullit, Erinda Ballanca gjendja e tij nuk është shqetësuese, por paraqet një shembje në shpatull dhe disa lëndime në gju.
Për gjendjen klinike e bashkëpunëtorit të tij, Basha deklaroi në dalje se Dollapi “ ka kaluar një natë pa gjumë për shkak të lëndimeve të marra. Mjekët po e mbajnë nën kontroll”.
Pas vizitës, Lulzim Basha pritet të marrë pjesë në protestën përpara Drejtorisë së Policisë, ku mbështetësit e tij dhe partive të tjera opozitare pritet të shfaqin kundërshtimin e tyre ndaj reagimit të forcave të rendit, që sipas tyre ka kapërcyer limitet dhe do të kërkojnë lirimin e të gjithë të ndaluarve në protestën e djeshme të opozitës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
