Si në asnjë prej protestave të mëparshme të Opozitës, kjo e datës 25 maj ishte shumë e ndryshme. Duke filluar nga orari, më i vonë se asnjëherë tjetër, balonat dhe deri të kërkesa e Gazment Bardhit për qetësi e kanë bërë këtë protestë unike nga të mëparshmet.
Por ajo që ishte dhe më e veçanta dhe që ka mërzitur protestuesit e ardhur nga e gjithë Shqipëria ishte fjala e Bashës. Si para kryeministrisë në fillimin e protestës, ashtu edhe para “selisë blu” kreu demokrat ka përdorur disa herë fjalën “dialog”. Një lloj fjalimi i tillë para protestuesve i Bashës, sigurisht që shkaktoi edhe të pakënaqurit e parë, të cilët nuk e prisnin që lideri i Opozitës të përmendte në fjalën e tij disa herë dialogun.
Arsyeja e kësaj lloji proteste dhe kësaj sjellë të lidershipit të PD nuk dihet, por është e sigurt që një pjesë e mirë atyre që kanë ardhur nga skajet e Shqipërisë do duan një motiv shumë të madh që të rikthehen në Tiranë për të protestuar kundër qeverisë.
Të jetë vallë ky sinjali i parë që mund të çojë një marrëveshje, këtë gjë vetëm ditët e ardhshme do e provojnë.
