Basha i përgjigjet Ramës nga Mati: Asnjëri mos të mungojë nesër në Tiranë

Kryetari i Partisë Demokratike, Lulzim Basha i është përgjigjur nga Mati, letrës së tretë të kryeministrit Rama për të dialoguar.

Duke folur para mbështetësve të tij në Mat, Basha tha se largimi i Ramës nga kryeministria është një kusht që nuk mund të negociohet. Ai ndër të tjera shprehu falënderimin për suportin ndërkombëtare dhe se e mirëpret një asistencë nga Gjermania për të gjetur një zgjidhje për krizën politikë në vend.

“Mirëpresim ndihmën bujare që na e shtrinë dora e aleatëve perëndimorë. Mirënjohje Gjermanisë dhe aleatëve të tjerë dhe SHBA që publikisht dhe jo publikisht nuk e lini vetëm popullin shqiptar në këtë betejë për jetë a vdekje. Largimi i Edi Ramës nuk negociohet. Beteja me të keqen duhet çuar deri në fund.

Kanë mbetur vetëm një grusht i vogël kriminelësh dhe horrash politikanë, në panik nga populli i bashkuar. E nesërmja do të jetë sinjali më i qartë i madhështisë së forcës së popullit të bashkuar, para një grushti njerëzisht në panik. Ju ftoj nga Vermoshi në Konispol, askush të mos mungojë, të derdhemi nesër në Tiranë, me vendosmëri për të çelur rrugën tonë të Shqipërisë si gjithë Europa”, u shpreh kreu i PD-së.