Balla i kundërpërgjigjet Ilir Metës: Data nuk ndryshon, zgjedhjet s’i luan as topi

Kryetari i grupit parlamentar të Partisë Socialiste, Taulant Balla ka dhënë mesazhin se zgjedhjet do të zhvillohen më 30 qershor. Sipas tij, kjo datë është afati kushtetues dhe këtë s’e luan as topi. Balla i është përgjigjur kështu presidentit Ilir Meta, i cili më herët u shpreh i gatshëm për të rishikuar datën e zgjedhjeve vendore.

“Me 31 Maj starton fushata elektorale. Duhet të zhvillojmë një fushatë të qetë dhe të komunikojmë me njerëzit. Zhvillimi i zgjedhjeve me 30 Qershor është afat Kushtetues dhe nuk e luan topi. Kush do të tentojë të pengojë qoftë edhe një qendër votimi do të hasë në forcën e ligjit”, u shpreh Balla.

Këtë deklaratë, kreu i grupit parlamentar të PS-së e bëri gjatë disa takime para-elektorale në zonat e Belshit dhe të Cërrikut.