E bujshme, Reali afron talentin serb që po shkëlqen në Gjermani

Real Madrid pritet të jetë shumë aktiv në merkaton e kësaj vere. Sipas medieve spanjolle blerja e dytë e Zidan në rikthimin e tij në Madrid është talenti serb, Luka Joviç.

Joviç, që po zhvillon një sezon spektakolar me Frankfurtin dhe drejtuesit e Realit janë bindur në aftësitë e tij. Mendohet se Florentino Perez ka shpenzuar plot 60 milionë euro për të marrë nga Frankfurti talentin serb. Por klubi gjerman nuk do t’i gëzojë i vetëm këto para, pasi një pjesë e mirë do i shkojë edhe Benfikës, e cila kishte ruajtur 20% të kartonit të Joviç.

Real Madrid ka mposhtur kështu konkurrencën e disa ekipeve të mëdha europiane për të marrë shërbimet e Joviç. Më herët Reali i Madridit kishte firmosur edhe me mbrojtësin brazilian, Militao, i cili do të vijë nga Porto. Këto dy afrime, pritet të jenë vetëm fillimi i merkatos për Realin e Madridit që këtë sezon premtojë një merkato të frikshme.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern