Arrestohet fieraku me kokainë, vendi ku e kishte fshehur habit policinë

Policia në kuadër  të operacionit antidrogë të koduar “Kristali”, ka vënë në pranga një shtetas nga Fieri me iniciale L,C, 37 vjec.

I arrestuari është kapur në flagrancë në banesën e tij me 15 doza lëndë narkotike të dyshuar Kokainë.

37-vjecari e kishte fshehur drogën brenda në këpucë, në dollapin e këpucëve.

NJOFTIMI ZYRTAR I POLICISE

Seksioni për Hetimin e Narkotikëve në Drejtorinë Vendore të Policisë Fier, në bazë të informacione të siguruara në rrugë operative se një shtetas merrej me shpërndarje të drogave të forta në doza të vogla, organizuan punën duke finalizuar operacionin e koduar “Kristali”.

Si rezultat i operacionit, gjatë kontrollit të banesës së shtetasit L.Ç, Policia gjeti dhe sekuestroi në cilësinë e provës materiale 15 doza me lëndë narkotike të dyshuar Kokainë.

Në përfundim të veprimeve të para hetimore u bë arrestimi në flagrancë i shtetasit , L.Ç, 37 vjeç, banues në Fier.

Materialet procedurale do t’i kalojnë Prokurorisë pranë Gjykatës së Shkallës së Parë Fier për veprime të mëtejshme hetimore, për veprën penale “Prodhimi dhe shitja e narkotikëve” .