Në malin e Shpiragut kanë dalë pozitive kërkimet testuese të kompanisë “Shell”. Mësohet se është zbuluar një bazë e gjerë e një zone naftëmbajtëse dhe gazi të një cilësie shumë të lartë.
Lajmin e ka konfirmuar kryeministri Edi Rama përmes një postimi në rrjetet sociale, ku thotë se kompania SHELL pas testimeve finale ka konfirmuar se shumë shpejtë do të fillojë nxjerrja në treg e sasisë së naftës dhe të gazit. Rama është shprehur se ky është një lajm fantastik për rritjen ekonomike të vendit.
Postim Ramës:
Lajm fantastik për rritjen e nesërme ekonomike të vendit konfirmimi pozitiv i testimeve finale të kompanisë SHELL mbi nxjerrjen në treg të sasisë së naftës dhe të gazit të zbuluar në Shpirag? Kompania që hyri në Shqipëri në 2015 vijon investimet për zbulime burimesh të tjera?
— Edi Rama (@ediramaal) May 24, 2019
Gjatë sistemit komunist, në vitet 1989-1990 është kërkuar naftë duke u realizuar në rrëzë të Shpiragut. Saktësisht në fshatin Mbreshtan një pus rreth 5000 metër por që pësoi avari në fund. Punimet u ndërprenë për shkak të ndryshimit të sistemit. Rreth 10 vite më parë një kompani amerikane në të njëjtin vend dhe të njëjtën thellësi arriti të gjente një shtresë të konsiderueshme naftëmbajtëse. Por investimi ju shit kompanisë britanike Shell që sa duket tashmë ka realizuar një tjetër sukses me një pus tjetër.
