Një ngjarje tragjike ka ndodhur pak orë më parë në Rumani, ku si pasojë e një aksidenti automobilistik, ka humbur jetën Ervin Dervina bashkë me gruan e tij rumune.
Dervina ishte oficer i Kontaktit i Shqipërisë pranë Qendrës për Forcimin e Ligjit në Evropën Juglindore (SELEC).
Ende nuk janë bërë të qarta rrethanat e këtij aksidenti të rëndë, teksa në njoftimin e saj për mediet, Policia e Shtetit shpreh dhimbjen dhe solidaritetin për familjarët e 41-vjeçarit dhe bashkëshortes, për humbjen e papritur dhe të parakohshme të të afërmve të tyre.
Gjithashtu shprehet angazhimi maksimal dhe bashkëpunimi i vazhdueshëm me autoritetet rumune për zbardhjen e shkaqeve të aksidentit.
