Orët e vona të kësaj të diele janë mbyllur në mënyrë tragjike në qytetin e Fierit. Mësohet se një person ka humbur jetën pas një aksidenti të ndodhur në segmentin rrugor Seman-Fier.
Policia ka bërë të ditur se një automjet ka aksidentuar shtetasin R.K, 66 vjeç, banues në Dermënas, i cili po lëvizte me biçikletë. Si pasojë është dëmtuar shtetasi R.K, i cili ka ndërruar jetë në Spitalin Rajonal Fier.
Sakaq bëhet me dije se drejtuesi i automjetit që shkaktoi aksidentin është larguar menjëherë nga vendi i ngjarjes.
