Deputetja Rudina Hajdari është shprehur e shqetësuar në lidhje me debatin për zgjedhjet në Akademinë e Shkencave.
Sipas saj nëse Skënder Gjinushi do të zgjidhet në krye të Akademisë së Shkencave do të vërtetohet se partia nuk kursen as këto institucione për të përmbushur delirin për pushtet.
Ndër të tjera Hajdari shprehet se i vjen keq për akademik Artan Fugën i cili përpiqet të përqasë metodologji ala postmodernistë franceze në një akademi të stilit “monist”.
REAGIMI I PLOTE I RUDINA HAJDARIT
Akademia e prostatit!
Zgjedhja e Gjin-ushit në krye të Akademisë së Shkencave, vërteton më së miri se partia nuk kursen as institucionet shkencore për të përmbushur delirin e pafundëm për pushtet.
Nuk ka se si të ndodhë ndryshe, revanshi i delirit për pushtet do të përmbytë gjithçka edhe institucionet shkencore.
Padyshim, që ato do të duhen, që në kushtet e gremisjes së madhe të qeverisë, të shërbejnë me përunjësi, për të “pohuar shkencërisht” meritat e qeverisë delirmadhe.
Kudo emërohen militantë dhe të bindur, që shkojnë “ush”, me urdhër dhe zbatojnë verbërisht, ato që sheh në ënder shefi.
Më vjen keq për akademik A.Fugën, që përpiqet të përqasë metodogji ala postmoderniste të modelit francez, në një akademi të stilit “ala monist” të vjetëruar, me persona të dalë boje, të mbushur me moshën e tretë, që e kanë kthyer akademinë tonë në variantin qesharak të “akademisë së prostatit”.
