LIGJET E BIZNESIT
Përfshihet nga flakët katedralja e Notre Dame. Një zjarr masiv ka përfshirë një nga monumentet më të njohura të Parisit. Nuk dihen ende shkaqet, por pamjet janë vërtetë shqetësuese. Tym i lartë shihet të dalë nga pjesa qendrore e objektit të kultit, aty ku ndodhen disa skela për një restaurim i objektit.
Sipas informacioneve të para, besohet që zjarri ka rënë në pjesën ku po bëhen restaurimet e objektit dhe flakët kanë shpërthyer në zonën poshtë çatisë së katedrales.
Televizioni BFM raporton që Kisha është evakuuar dhe përreth zonës është vendosur një perimetër sigurie. Nga fotot shihet se si është shembur edhe maja e katedrales. Nuk dihen ende shkaqet e shpërthimit të këtij zjarri.
Katedralja, e ndërtuar midis viteve 1163 dhe 1344, përveç domethënies religjioze është edhe një nga dëshmitë më të vyera të artit gotik në Evropë.
Presidenti francez Macron ka shtyrën fjalimin e tij të programuar në darkë, dhe po ndjek nga afër ngjarjen. Për zjarrin e rënë në katedralen e famshme ka reaguar edhe kryetarja e Bashkisë së Parisit, Ane Hidalgo.
‘Një zjarr i tmerrshëm vazhdon të djegë katedralen e Notre-Dame në Paris. Zjarrfikësit e Parisit po përpiqen të shuajnë flakët. Jemi të mobilizuar maksimalisht dhe ftojmë të gjithë njerëzit të respektojnë perimetrin e sigurisë’, ka shkruar në Tëitter Hidalgo, që publikon disa pamje nga zjarri.
Notre-Dame de Paris (domethënë “Zonja jonë e Parisit”) është katedrale mesjetare katolike në Île de la Cité, qarku i katërt i Parisit, Francë. Katedralja konsiderohet një shembulli më i mirë i arkitekturës gotike franceze dhe kisha më e mirë n Kishën Katolike në Francë, dhe në botë.
