Zbulohet data e seancës së parë gjyqësore për Saimir Tahirin

Është zbuluar data që Gjykata për Krimet e Rënda caktoi si datë të seancës së parë gjyqësore ndaj ish-ministrit të Brendshëm Saimir Tahiri.  Ish-ministri do të përballet në Gjykatë në 19 qershor.

Ndaj tij rëndojnë akuzat: “Trafikimi i narkotikeve”, ne bashkëpunim, në formën e grupit të strukturuar kriminal, “Kryerja e veprave penale nga organizata kriminale” dhe “Grup i strukturuar  kriminal”.

Tre gjyqtarët që do të shqyrtojnë dosjen penale të Tahirit janë Ardit Mustafaj, Flora Hajredinaj dhe Irena Gjoka.

Këto tre gjyqtarë do të vlerësojnë nëse qëndrojnë ose jo akuzat e ngritura nga Prokuroria e Krimeve të Rënda ndaj Tahirit.