Ylli Rakipi dorëzon kundërpadi ndaj Edi Ramës: Kërkon të më mbyllë emisionin

Gazetari Ylli Rakipi, ka depozituar ditën e sotme një kundërpadi ndaj kryeministrit Edi Rama, në Gjykatën e Tiranës.

Fyerjet e kryeministrit ndaj analistëve e gazetarëve në vend, si ‘kadrinj’ e ‘gjobaxhi’  do të kenë një tjetër përballje.

Gazetari Ylli Rakipi, i emisionit “Të paekspozuarit” që ka ngritur një kundërpadi ndaj kreut të qeverisë, për cënim të imazhit. Në një prononcim për mediat, pas dorëzimit të padisë, Gazetari Rakipi akuzoi kryeministrin Rama si një diktator që fyen e shan gazetarët.

“Kam bërë kundër-padi ndaj kryeministrit Rama. Rama fyen gazetarët pa reshtur. E keni dëgjuar fjalorin e tij. Rama është gojështhurur.

Rama ka bërë përpjekje që unë të mbyll emisionin. Rama është diktator i tipit të ri, i tipit të Putinit, të Erdoganit, nuk ka asnjë ndryshim me ta, ka blerë mediat. Media ka problemet e veta, por nuk është Rama ai që mund të flasë për mediat, aq më pak t’i fyejë”, tha Rakipi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Edhe kryeministri Rama e ka paditur gazetarin Rakipi, më herët për të njëjtën akuzë, atë të cënimit të imazhit.