Vrau bashkëshorten, 35 vite burg për të moshuarin

Dy vite më parë Namik Velajn vrau bashkëshorten në banesën e tyre, duke i bllokuar rrugët e frymëmarrjes, ndërsa krimi është zbuluar një vit pas ngjarjes.

Sot, Gjykata për Krime të Rënda dënoi me 35 vite burg Velajn. Gjithashtu, fajtor u deklarua edhe mjeku Ilir Tanku, për “Shpërdorim detyre” dhe u dënua me 2 vite burg,  por gjykata pezulloi dënimin dhe do të shlyhet me 4 vite shërbim prove.

Kujtojmë se vrasja ka ndodhur në janar të 2017-ës, por 67-vjeçari u arrestua në mars të 2018, pasi vdekja e Verke Velaj, u raportua si natyrale, version i konfirmuar edhe nga mjeku Ilir Tanki, i cili është marrë i pandehur për shpërdorim detyre.

Sipas prokurorisë, kanë qenë familjarët e viktimës që kanë dyshuar për vdekjen e të ndjerës dhe kanë bërë denoncim në polici, pas 1 viti hetime, rezultoi se Namik Velaj, e kishte mbytur me duar bashkësborten dhe rreth qafës, kishte vendosur një shall për të fshehur shenjat e mbytjes.