Zona përreth Gjykatës në Vlorë është rrethuar nga policia. Një pako me eksploziv është gjetur në një zyrë përkthimi përballë gjykatës së Vlorës.
Mësohet se lënda shpërthyese ishte montuar në derën e zyrës së përkthimit, të Eleni dhe Orest Zhupa, shkruan Ora News.
Zyra ndodhet në katin e dytë të një ndërtese ku ndodhen disa zyra noteria dhe përkthimi. Zyra është e mbyllur ndërsa zyra të tjera ndodhen në katin e parë.
Grupi hetimor po punon për zbardhjen e rrethanave të ngjarjes ndërsa policia ka urdhëruar evakuimin e të gjithë ndërtesks. Priten ekspertët e xhenios të kryejnë veprime të mëtejshme.
