VIDEO/ Voltana Ademi zihet me Ardi Veliun: U vranë të pafajshëm… Kryepolici largohet

Gjatë prezantimit të preferktit të ri të Shkodrës, kryebashkiakja Ademi ka debatuar me Drejtorin e Përgjithshëm të Policisë, Ardi Veliun.

Duke folur për situatën në Shkodër, Voltana Ademi i ka thënë se një polici nuk mjafton dhe se janë duke vdekur njerëz të pafajshëm. Gjatë fjalës së saj, Ademi është shprehur tejet e gatshme që të bashkëpunojë me policinë për të parandaluar ngjarje të tilla.

“Situata është problem edhe në Vlorë, Elbasan dhe kudo. Por në Shkodër nuk pranohet shprehja “të hanë kokat e veta.” Ka rënie të turizmit mbyllje të biznesit dhe largim masiv të qytetarëve. Jam gati të bashkëpunoj pasi as policia se bën dot e vetme. Ngjarjet mund të parandalohen ndërsa autorët duhet të kapen,”-u shpreh kryebashkiakja.

Ajo iu drejtua edhe kryepolicit, Ardi Veliu, i cili nuk i ktheu përgjigje por u largua gjatë momentit që Ademi po fliste.

Debati Veliu-Ademi: 

Ademi: Nuk është aspak politike. Unë atë që them e them edhe jashtë kamerave edhe brenda. Duhen forca të specializuara, ne mund ta parandalonim ngjarjen. Ka patur plumba mbi njerëzit e pafajshëm.”

Veliu: Zonjë, unë jam drejtori i policisë, një javë më parë nuk më the kështu, nëse situata ndryshon për një javë…

Ademi: Po ku shkoni kështu?

(Veliu largohet)

Fjalës së Ademit, Lleshaj i është përgjigjur se Shkodra nuk kthehet në një qytet krimi për shkak të 2-3 individëve problematikë.

“Ngjarjet mund të parandalohen, autorët duhet të kapen. Nuk e bëjnë Shkodrën 2-3 kriminelë.”-tha Lleshaj.

Ministri Lleshaj u rikthye në Shkodër pas dy ditësh, ku edhe ishte për shkak të ekzekutimit të dy vellezerve.

Si përgjegjës të rendit në qytet, ministri shkarkoi drejtorin e Policisë së Shkodrës Vehbi Bushati dhe emëroi në vend të tij, Niko Brahimajn./ Dosja.al/