VIDEO/ Nis përplasja e protestuesve me policinë

Edhe pse në nisje të protestës, kanë nisur me përplasjet mes forcave të policisë dhe protestuesve, kryesisht banorë të zonës së ‘Astirit’.

Përplasja ka ndodhur pranë Ministrisë së Brendshme, ku protestuesit janë shtyrë në tentativë për të çarë kordonin e forcave të policisë.

Ashtu si në protestat e tjera, janë angazhuar edhe forcat e FNSH dhe repartet Shqiponja, ndërsa policët që përbëjnë edhe rreshtin e parë, janë të pajisur me kundragaz.

Në dallim nga protestat e mëparshme, policia ka zgjeruar zonën që mban nën kontroll, duke synuar në këtë mënyrë që t’i mbajë sa më larg protestuesit jo vetëm godinës së Kuvendit, por edhe rrugëve që kalojnë ligjvënësit për të hyrë në selinë e Parlamentit.