Ushtria blindon Rinasin, Meta i kërkon llogari Shefit të Shtabit

Grabitja e bujshme e 8 milionë eurove në aeroport, “zgjoi” Ministrinë e Mbrojtjes. Dje ministrja e Mbrojtjes, Olta Xhaçka njoftoi se Forcat e Armatosura kanë marrë në ruajtje sigurinë e aeroportit Kombëtar “Nënë Tereza” në Rinas. 

Ndërkohë, sot presidenti Ilir Meta, i ka kërkuar infrmacion Shefit të Shtabit të Përgjithshëm të FA, Gjeneral Brigade Bardhyl Kollçakut, në lidhje me vendosjen e ushtrisë në Rinas.

Pasi të marrë informacion, Presidenti Ilir Meta paralajmëron se do të ketë një dalje publike. Ky është reagimi i parë i Presidencës, 24 orë pasi u mësua se ushtria do vendosej në të gjitha hyrje-daljet e Rinasit.