Ultimatumi i Ramës, një muaj afat drejtuesve të Doganave dhe Tatimeve: Përmbushni objektivat, ose…

Vetëm një muaj afat për të përmbushur objektivat, në të kundërt do të shkarkohen!

Ky është ultimatumi që kryeministri Edi Rama u ka dhënë dy drejtuesve të rinj, përkatësisht Arlind Gjokutaj në krye të Doganave, si edhe Enton Duro në Drejtorinë e Përgjithshme të Tatimeve.

Takimi u zhvillua sot në Kryeministri, ku në këtë mbledhje sipas burimeve të Tpz.al, kreu i qeverisë shoqërohej nga zv/kryeministri Erion Braçe si edhe ministrja e Financave, Anila Denaj.

Institucionet financiare dhe fiskale në vend po i nënshtrohen një ristrukturimi të thellë,

Burime nga mbledhja thanë se janë shkarkuar kreu i Hetimor Tatimor si edhe disa drejtuesit rajonalë, ndërsa janë dorëhequr nëndrejtorët rajonalë në Tatime e Dogana./TPZ.al/